Ji haan screen printing hee ek aisa method hai jo paper ka mota ya patla hone par depend nahi karta. Ye kisi bhi type ke paper me easily print kar sakta hai. Iss technique ke help se T-shirt, Carry Bag and Papers easily print kia ja sakta hai. Aur wo bhi bahut kam price me.
Screen printing ke liye kin cheejo ki aavashyakata hoti hai?
Jaise ki aapko pahle se hee pata hai ki screen printing sabse kifayati method hai. Iske liye agar koi mehangi cheej chahiye to wo hai computer. Computer hum desktop ya laptop dono me se koi bhi rakh sakte hai. Lekin ek bat ka dhyan dena hai ki kam se kam i3 processor se upar ho to achha hai. Is se new version software chalana easy rehta hai. Computer me CorelDraw install hona chahiye. Agar aap designer den ka design use karte hai to aapko Corel Draw X7 use karna chahiye. Agar computer ka configuration kam hai to Corel draw X3 use karen.
Inke alawa hame aur bhi cheejon ka avashyakta hoga. Jaise ki Mesh. Mesh ko hum lakdi ya aluminium ke frame me lagakar board tayyar kar lenge. Ye hame saste me uplabdh ho jata hai. Ise aap saadi card ke dukan me khareed sakte hai. Colour pass karne ke liye brush (brush hum alag alag size ke rakh sakte hai.) Again ye bhi sasta hee padne wala hai.
Kuchh consumable ka bhi jaroorat padta hai. Jaise ki- Reducer – Reducer se hum color ko bhi patla kar sakte hai aur board wash karne me use karte hai. Colour – colour se hum print work karenge. Sona coat – board me coating ke liye hum sonacoat ya supercoat ka istemal karte hai. Yad rakhen isme sensitizer milana bahut jaroori hai. Ye light ke ultra violent ke sath milkar coating ko hard banata hai. Decoater – Decoater se hum sonacoat ya super coat ko wash karte hai. After print hame board ko achhi tarah se saaf kar lena chahiye.
Ye sabhi cheejen sasti aur kifayati hai. Designer den ke design me badlaaw karne ke bad laser printer se design ko trace paper me dark black me print kar lena hai. Dhyaan den, agar aap achhi quality chahte hai to trace paper laser printer se hee print Karen. Is se board me matter ugaana bhi aashaan hoga. Ye inkjet printer se bhi possible hai lekin is kaam ke liye laser printer suggested hai.
Jab aapka screen printing me lagne wale sabhi kuchh ready ho jaye to board me sonakot ka ek patla parat (film) chadha len. Lekin is se pahle aapko mixture tayyar karna hoga. Ji haan, Sensitizer ko bund – bund ek sahi maatra men sonakote me milaye. Agar aapko pouch wala Sensitizer mila hai to use pale 100 ml paani (water) me mila len. Ye dikhne me orange colour ka ho sakta hai. Aapne jo Sensitizer ka solution tayyar kia hai use bund-bund karke sonakote me milaye. Dhyaan rakhen sonakote ko matra kam ho to Sensitizer bhi kam hee milye, warna coating hard ho jayega. Board fresh hone ke bawajood bhi sukhne ke karam me bhasarne lagta hai. Kabhi kabhi ye zaam ho jata hai. Jankari aap hamari dusri article padh sakte hai Kyu hota hai Screen Printing Board Fail?
Screen Printing me coating kaisa hona chahiye?
Jab sahi solution se sonakot aur Sensitizer ka mixing tayyar ho jaye to usko scale ya naya brush ke madad se patla coating ya film board me chadha den. Ye coating bilkul ek jaisa hona chahiye, kahin aur patla nahin. Board me sahi coating se matter expose karna aur bhi aashaan ho jata hai. Coating patla hona chahiye lekin had se jyada patla nhin. Patla coating aashaani se sukh jata hai. Jab sahi se coating kar diya jaye to use bina light wale jagah me sukhne den. Sukhaane ke kram ko fast karne ke liye pankha (fan) ka istemaal kar sakte hai.
Screen printing wala board ko fast (jaldi) me kaise sukhayen?
Jaise ki maine kaha aap pankha ka istemaal kar sakte hai, is se jaldi sukhega. Lekin sabse jyada dhyaan dene wali bat ye hai ki aapko ye kaam dark place me karna chahiye jahaan light nahi ho. Lekin aap ise aur bhi kam samay me sukha sakte ho iske liye aapko istemaal karni hogi Hair Dryer ya Philips Hair Dryer is gadget me aapko kam se kam 1000 kharch Karna hoga. Us se saste wale nahi teekte hai ya performance sahi nhi hota. Hair dryer ke garam hawa se aap ise 2 minute me sukha sakte hai.
Light expose in screen printing.
Aapko apne trace papaer ko board me laga kar ek side foam (woolen foam) aur foam ko plywood piece se press karna hai aur doosre side jo bahri side hoga usme trace paper lagana hai aur paper khiske nahi uske liye ek seesha (glass sheet) se press kar dena hai. Glass se light seedhe board me padega. Jahaan likhawat (letters) hoga wahaan light pass nhi ho payega. Black print se light pass nhi ho payega. Likin jahaan bhi light pass hoga wo jagah hard ho jayega. Ab baat aati hai light expose karne ka. Sabse jyada use hota hai sunlight (surya ka raushni). Sunlight me approx 50 second (ye time fix nahi hai) tak light dikhana hai aur fir chhaw me aakar sab kuchh board se alag kar dena hai aur board me paani daalna hai. Is se board se letter saaf hone lagega. Aur is tarah se hame printing ke liye board mil jayega.
